ما هي قرة العنز وايام الليالي السود حسب التقويم الفلاح الليبي
اليوم الاربعاء 2/2 هو اخر يوم من أيام الليالي السود حسب التقويم الفلاحي الليبي - وهكي يكون تموا اربعين ليلة من ليالي الشتاء الليالي البيض والسود -
عشرين يوم بيض وعشرين سود، وبإذن الله يوم 3 فبراير تبدأ فترة العزارة تقعدا عشرة أيام وتنتهي في 13 فبراير من نفس الشهر.
وحسب كلام جدودنا يقولوا أصل كلمة العزارة هي "العزري - عزابي" شاب مش متزوج مزاجه متقلب ديما مايقعدش في مكان واحد كل مره شكل، والاجواء وحالة الطقس فترة العزارة حتي هي ديما متقلبة من يوم لثاني مرة يوم دافئ ومرة مطر ومرة عجاج ويوم صقع وفي الفترة هذي تبدٱ الاشجار تفق وطلع وراقها وتكون بداية اخضرارها ويطلع النوار ، بعد عشرة ايام العزارة - تجينا فترة قرة العنز وهي تبدٱ يوم 14 فبراير وتكون اكثر فترة صقيع وسفنقري واسحنتي وشكلها العام هذا جاية هي وصغارها وعائلتها، وأن شاء الله ربي يرزقنا بالغيث النافع ويعم البلاد كلها .
تعليقات
إرسال تعليق